1 Samuel 3
TOPA in Samuel Sam
1Naupang Samuel in Eli khutnuai TOPA mai-ah na a sem hi. Tua hun lai-in TOPA thu kiza thithe loin; muhkholhnate a tam kei hi. a 2 Eli a mit mang lua ta in, khua mu thei lai mialmial a, zan khat a lupna mun ngei-ah a lum hi. 3Pasian meivak kisumit nai lo-a, Pasian singkuangpi omna TOPA biakinnpi ▼▼3.3 Tua pen biakbuk
sungah Samuel a lum hi. 4Tua ciangin TOPA in Samuel a sam hi. Samuel in, “Hiah ka om hi,” ci-in a dawng hi. 5Tuateh amah Eli kiangah tai-a, “Hong sam na hia; hiah ka om hi,” a ci hi. c Ahi hangin Eli in, “Hong sam ke’ng ei; pai inla lum kik ou,” a ci hi. Tua ciangin pai-a a lum hi. 6 TOPA in, “Samuel!” ci-in a sam kik hi. Tuateh Samuel thoin Eli kiangah pai-a, “Hong sam na hia; hiah ka om hi” a ci hi. Eli in, “Ka tapa aw, hong sam ke’ng, pai kik inla lum in,” a ci hi. 7 Tu-in Samuel in TOPA thei nai lo hi: Ama tungah TOPA kammal a kilaak nai kei hi. 8 TOPA in Samuel a thumveina sam a, Samuel thoin Eli kiangah pai a, “Hong sam na hia, hiah ka om hi,” a ci hi. Tua ciangin TOPA in naupang a sap lam Eli in a thei hi. 9Tua ciangin Eli in Samuel kiangah, “Pai-in lum inla nang hong kisap leh, ‘Na nasempa in ka ngai hi, TOPA aw, gen in,’ ci in,” ci-in a gen hi. Tua ciangin Samuel pai-a ama munah a lum hi. 10 TOPA pai-in tua lai-ah dinga a hun danga mah bangin, “Samuel! Samuel” ci-in a sam hi. Tua ciangin Samuel in, “Na nasempa in ka ngai hi, hong gen in,” a ci hi. 11 Tua ciangin TOPA in Samuel kiangah; “En in, a za peuhmah bil a vut ding na khat Israel sungah ka sem ding hi. 12Tua hun ciangin a innkuanpihte tungah a tung dinga ka gensate - a kipatna pan a tawpna dong, Eli tungah ka tungsak ding hi. 13Ahang in, a tapate amau mahmah a huathuai-in ▼▼3.13 Masoretic Bupi; Hebrew-te tang ngeina laizial le Septuagint ah tapate in Pasian simmawh
gamta uh a, amah’n kham lo ahi manin ama theihsa mawhna hangin a innkuan-pihte tungah thu ka khen den ding hi, ci-a ama tungah ka gensa ahi hi. 14Tua ahi ciangin Eli innkuan tungah, ‘Eli innkuante khialhna biakpiakna le biaknate-in a mai ngei kei ding hi,” ci-in ka kiciam hi,’ ka ci hi,” a ci hi. 15 Zingsang dong Samuel lum a, tua ciangin TOPA inn kong a hong hi. A mangmuhna Eli kiangah gen ngam lo hi; 16ahi hangin Eli in, “Ka tapa Samuel,” ci-in a sam hi. Samuel in, “Hiah ka om hi,” ci-in a dawng hi. 17 Eli in, “Amah in nang tungah bang hong ci hiam? Kei tungah hong im kei in. Ama hong gensa kei tungah ip nong neih leh Pasian nasia takin hong thuaksak ta hen,” ci-in a dong hi. 18Tua ciangin Samuel in bangmah im loin a gen khempeuh a gen khin hi. Tua ciangin Eli in, “Amah TOPA ahi hi ama mita hoih a sak bangin hih ta hen,” a ci hi. e 19 Samuel khangkhanga, TOPA in ompihin ama kammalte khat beek lei-ah a kiasak kei hi. 20Tuateh Dan pan Beersheba donga Israel khempeuh in TOPA kamsangin Samuel a kikipsak lam a thei uh hi. 21Shiloh ah TOPA kilang zelzela a kammal tungtawnin amahmah Samuel tungah a kilang hi.
Copyright information for
ZomZIV